Sa iyang pag pamalandong iyang nabati ang kapait sa kinabuhi.
Gikan sa: Palandong
Pagbasa: Pa-ma-lan-dong
Sama sa: Paghunahuna; Lalom nga paghinuktok;
Yuna pa: Murag dili ko sigurado niining akong mga pulong karon. Ug kinsa man ugaling ninyo adunay ikaambit mas nindot ug inyong ipadayag niining lawak.
Ug miukab sa libro ang usa ka tawo dayon mibasa ug misangyaw sa mga pulong kinutlo sa basahon nga iyang giukab.
Gikan sa: Kutlo
Pagbasa: Koot^lo
Sama sa: Gikuha; Gikan
Hangtod sa gihapon…
Kanunay gihapon ko nga galisod ug unsay pamaagi nga sadya ug nindot ning atong lawak. Apan, sa dihang akong gibansay-bansay ang mga panghitabo nindot tingali ug adunay tumong sa pagtabang sa wa makasabot ug binisaya ning maong lawak. Busa sukad karon ako na kining himuon nga lawak sa binisaya nga mga pulong.
Pila na ka adlaw ang nilabay gikan sa pagpangutana sa akong higala nga si Dodong (Singapore) kung unsa kuno’y binisaya sa “Gate”. Hangtud karon wala pa gyud nako matubag ang iyang pangutana. Dili man pud sakto nga moingon ko ug “pwertahan o purtahan o pultahan” kay dili man na mao. Ug “pwertahan sa kural” ngilad sad nga paminawon. Kamo naa moy mapaambit?
Aduna koy upat higala nga ginganlan ug Dodong. Usa niini naa na sa pikas nga kinabuhi. Hayskul pa lang mi ni Dodong nagkasuod na mi tungod sa lain laing butang nga kami magkasinabot (hinuon, grupo mi atong mga panahona). Mitungha na kog kolehiyo ug nagkabulag-bulag na among grupo murag tae sa kanding. Apan niadtong nipuyo ko sa sugbu aron magpreparar sa akong “board exam” adunay nahitabo kay Dodong… Wala kini gipahibalo kanako sa akong mga ginikanan (kay sila suod sab) tungod kay dili nila gusto nga mapektuhan ang akong pagkuha sa maong exam. Subo man pamalandungon apan si Dodong nagpakamatay… Naunay ra sya sa iyang pistola. Wala ko katambong sa lubong ug nahibaw na lang ko sa balita pagkahuman sa akong exam. Kato nahitabo mga napulo na katuig ang nilabay. Read the rest of this entry »
Pipila na ka adlaw ang nilabay
Ulan sa syudad perminti ug kanunay
Sa pikas bahin sa probinsya mao usab
Inanay ug tagdugay ang paghilak sa panganod
Sa dihang wa na makaya sa mga kahoy paghawid sa yuta
Diha-diha dayong midahili ang yuta
Yuta nga daw lapok inubanan sa mibanlas nga tubig
Dayon bungkag ug tabon sa mga panimalay
Pagkapait ba diay niining kinabuhi
Sayon ra kaayong kuhaon ug mobalos ang kinaiyahan
Kinaiyahan nga gipanamastamasan
Aron ang gakutoy nga tiyan masudlan
Pagkapait pamalandungon nga tawo ra gihapon
Ang gagama niining natagamtam nato karon
Kanus-a pa mapakgang kining mga suliran?
Aron trahedya atong malikayan…
Ug sa ikatulog adlaw mikitiw ug misidlak si haring adlaw…
Daw nagpahimangno ug nagpadayag nga “hoy tawo pagmata”
Ug kinaiyahan paga ampingan ta…
Sa akong pagbansaybansay sa mga panghitabo mahitungod sa kagubot nga gidala sa “MILF-GRP agreement”, daghang mga aspeto ang nahipatik sa akong alimpatakan. Una niini, nganong wala man gipahibalo daan sa katawhan (pinaagi sa konsultasyon, labi na tong apektado) ang unod niining MOA-AD tali sa gobyerno ug MILF? Ikaduha, ug ugaling adunay konsultasyon, ngano pipila lang man sa mga nahimong representante ang gituboy sa gobyerno nga morepresentar sa kinatibuk-ang katawhan nga apektado niini? Ikatulo, unsa man gyud ang katuyuan niini ang paghatag ba ug igong kagawasan sa atong mga igsoong moro pinaagi sa paghatag ug luna kanila matod sa ilang gituohang yutang kabilin (homeland) kaniadto? Unsay epekto, niining kasabutan sa daan nang kasabutan sa gobyerno ug MNLF nga usa sa hinungdan sa pagmugna sa ARMM?
Read the rest of this entry »
Matag adlaw sa among paglakaw padulong ug trabaho. Akong anak mobati ug kamingaw ug kaguol… Amo gyud namatikdan nga sensitibo na kaayo sya ug hait na kaayo ug maniid. Bisan pa man wala pa sya nakaabot ug usa ka tuig apan mabati gyud nimo nga daw modagayday ang iyang luha ug panahon na nga molakaw na mi paingon sa trabaho.
Miingon niini ang kinabuhi
Kinabuhi nga bililhon
Kinabuhi nga way sama
Sa inadlaw-adlaw nga pagtukaw
Ug sa kinabuhi gahanduraw
Bisan sa unsa nga katuyuan
Daw susama sa pamaagi
Nga way kapaingnan
Mao kadto ang mga pulong gikan ug ginama sa inyong ubos nga higala nga ginganlan ug valdapogi…
Kinutlo gikan sa usa ka nilaksing notbuk sa usa ka studyante, wa ko kaila kinsay nagsulat.
Matud pa nila!
Matud pa nila,
Ang Taga-IC daw kay utukan.
Kay sa grado dili daw malupigan.
Kay kanunay ra nakaatubang sa kompyuteran.
Matud pa nila,
Kami nagpaeasy-easy lang,
Kay sa USEP patambay-tambay lang.
Wala gud miy sarili bilding, alangan!
Hahay! Matud ra na nila!
Ang tinuod na IC
Nagkapula ra ang agi.
Pagkakuha sa grado sige rag pamiste.
| November 21, 2008, 9:34 am | |
 |
Partly sunny current temperature: 27°C |
