Higalang Dodong
Aduna koy upat higala nga ginganlan ug Dodong. Usa niini naa na sa pikas nga kinabuhi. Hayskul pa lang mi ni Dodong nagkasuod na mi tungod sa lain laing butang nga kami magkasinabot (hinuon, grupo mi atong mga panahona). Mitungha na kog kolehiyo ug nagkabulag-bulag na among grupo murag tae sa kanding. Apan niadtong nipuyo ko sa sugbu aron magpreparar sa akong “board exam” adunay nahitabo kay Dodong… Wala kini gipahibalo kanako sa akong mga ginikanan (kay sila suod sab) tungod kay dili nila gusto nga mapektuhan ang akong pagkuha sa maong exam. Subo man pamalandungon apan si Dodong nagpakamatay… Naunay ra sya sa iyang pistola. Wala ko katambong sa lubong ug nahibaw na lang ko sa balita pagkahuman sa akong exam. Kato nahitabo mga napulo na katuig ang nilabay.
Aduna pud koy laing higalang Dodong… Silingan namo duha kabuok Dodong sila pud duha akong mga suod nga higala kay uban ra mi sa usa ka grupo. Apan kadtong usa nga kaedad sa akong magulang maoy akong nasuod pag ayo. Ngano man??? Kay pirting yagayagaona atong tawhana bisan ug asa mi magabot kanunay ra gyud tong gangisi ug kanunay lang malipayon. Niadtong wala pa sya kalakaw, kanunay ra syang gatambay sa among lugar kay nagpadako ug “#$%^&” baka ug uban pang mananap… Aduna to sya’y gialimahan ug pinalanggang baka nga haskang niwanga murag nakulangan ug kaon mas dako pag lawas iyang amo :D. Sa mga nilabay ang panahon, si Dodong nakakaplag ug asawa ug gidala sya niini didto sa laing nasud… Naswertehan sad …. ang babaye nya 
bwahahaha…
Ug ang ikaupat nakong higala nga ginganlan usab ug Dodong akong klasmeyt kaniadto sa masteral. Purbida gyud bitaw aning mga Dodong nga pirti man gyud ka sipat ug kayagayagaon… Apan ngilngig ug kulba ug mga kaagi ning akong higala nga si Dodong. Taliwala sa kapait sa panahon niadtong una, iyang gisuwayan paglangyaw ug didto sa laing nasud sya nakakaplag ug maayong tarbaho… Hinuon usa man sya ka propesyonal nga enhinyero. Mibalik sya diri sa pinas aron magpahulay ug magpadakog “$%^&” tiyan 
hehehe unya miskwela usab sya mao nga nagkaklasmeyt mi. Sa dihang nitukar na sad ang kakatol sa iyang tiil nangita na sad kini ug kapaingnan sa laing nasud na sad ug didto nya gipaambit ang iyang kahanas ug kamaayo sa pagpanarbaho… karon ambot asa na to sya kay ingon nya sa una sa “Midol Est” unya usahay makalugar pud daw sya ug “Yurop”… gilaliman ba gud ka anang butanga bisan ug asa na lang padulong si Dodong. Tabi, si Dodong diay karon naa na sa Singapore ug nagpa last two hahaha… Gipalastuhan niya iyang patay nga kuko kay nadatugan sa iyang trabaho sa planta.
Mao kana si Dodong…Kamo pila usab ka Dodong inyong higala?
Padayon sa paguswag.
pag ka balaknon nimo kaayo dodong val hheheh di jud ma basta basta ang imo talento sa!
hehehe… mao ra ni higala.
bitaw ning pangalan nga dodong abi nakog pinangga sa kalibutan, maka-lOlO-oy man diay. kay bisan gani sa kanta nga binisaya, ni Pilita Korales nga ang taytol Rosas Pandan, naa gihisgutan si ddong. Nagkanayon ang kanta sa iyang lyrics nga….”Tigidong-tigidong intawon usab si dodong nagtan-aw kang inday nagtabisay ang laway….” Mahulagway nato nga si dodong pagka-lOlO-oy gayod murag irong buang nga GAHALHAL kay nagtabisay man jud ang laway.