ATM
Nisimba mi niadtong domingo kuyog akong asawa. Sa dihang nagwali na ang pari adunay mga pulong nga hait kaayo apan nindot paminawon labi na kay dulot kaayo sa tinuod nga mga panghitabo. Nindot mosangyaw tong paria ug nindot usab ang iyang pamaagi sa pagsangyaw ug usa pa, nindot sad kaayo iyang mga pinulungan kay haskang bisayaa.
Aduna lang koy gustong ipaambit usab kaninyo gikan sa pulong sa pari nga katawanan ug nindot paminawon. Mao ni ang storya, nibisita kuno sya sa usa ka balay ug giabi-abi sa tagbalay.
Pari: Maayong buntag diha kanimo ug sa imong pamilya. Nisuroy lang ko niining inyong dapit kay gusto ko makahibalo ug unsa nay dagan sa inyong GKK.
Amahan: Day, ania si father dali pagandam ug makaon ug mainom.
Inahan: Kadiyot lang pa kay hipuson ko usa ning akong gitrabaho.
Pari: Ayaw na lang kaayo palabi ug tagad kay kadiyot ra man sab ko diri.
Inahan: Dad, wala baya tay cash diri.
Amahan: Aw, ATM lang usa day.
Pari: Sagdi lang gud, ayaw na pagtagad.
Amahan: Day, ATM sa dha… Adto’s Tindahan Mangutang.
bwahahaha…. Haskang katawa sa mga tao sa simbahan.
Ug mao kato ang sugalinon.
mao juy sakit ning mga pinoy, “spending money ahead of time” para lng mka pahalipay sa mga bisita. bisan tood kataw-anan pero sakit usab pamalandungon nga daghan musamot og ka pobre tungod lng niini. aw, lain pay ato, kaila ba ka ni val quimno sa usep. kung kaila ka aw i kumusta na lng ko sa iya pre. ingna c jigs diay ko tawga na lng ko kung mangaon na. gibutang na diay tika sa akong blog roll kay idol na tika. hehehe
perte jud ning pinoy…mskin wa jamo! basta naay bwesita mag prepapare jud pahalipay kay bisita lagi…
bitaw jigs no…ikaw na sir val? sa usep? sa i.c? kung ikaw mn galing… kumusta na sir …
grabe nkong bansay bansay og tuki kung ikaw ba jud na…gi ingnan rapud ko ni jigs…
Aw ug maniid lang ka sa suwat dinhing dapita makita nimo nga ako gyud ni. Sa akong address pa lang hibaw-an na. Apan bisan pa man sa imong pagkahingangha, ako ghapon magpadayon nga moabi-abi kanimo ug moingon dayon kamo niining akong dyutay nga kawanangan, nanghinaut ko nga kamo anaa sa maayong panglawas ug lamdagan unta kamo sa labawng makagagahum aron ang inyong kalag mapasaylo. Aw… unsa ba gud diay ni storyaha nga ninglayo na man nuon ko… Oo higala ako ghapon ni matod pa sa imong pagbansay-bansay.
Jigs, salamat sa imong pagpaambit sa dyutay nimong higayon. Sakto nang imo apan aduna gyuy pamatasan ang mga pinoy nga maayo moabi-abi ug tungod niini taliwala sa kalisud maningkamot ghapon ug pangitag pamaagi aron lamang matagaan ug maayong pagtagad ang bisita, labi pa nga PARI kini kay basin ug nagdala diay nig maayong balita (dili hearing sa last 2 ha) hehehe.
aw daan kopa ikaw jud na sir …sa name palang jud bitaw..
sulod sa pipila ka mga bulan , tuig nmn gali naghihimat ta og usab pinaagi niining butanga.
salamat sa matam-is nga pangumusta..ang among kasing2 ni jigs naga lukso2, susama sa pulgas! aw .. hheheh
hehehe. aw ok ra man mi dri sir kalooy sa Ginoo. gibundakan gihapon mig grasya, og nalunupan sab mig kalipay. kauban diay mi ni jacob og work diri sa eversun matina. salamat sa suporta! mabuhi ang mga buutang tawo!(sama nato) mabuhi tang tanan!.
Grabe! lagluma ba ug pamulong dinhing dapita uy! hahahahha musta na ka dra sir? wala jud ko giuban sa mga mananap nga jigs ug jacob o.. hehhehe.. kauban sad diay ko nla jigs ug jacob sa trabaho sir, mao na clang mga mananapa ang nag-ingon sa ako na aduna kay blog, mao nibisita sab ko.. grabe, paningot ko sa atong mga storya uy. makatakud man mo tanan.
ang pari maoy halili o puli ni Kristo, sa Dios nga dili makita sa atong panahon. si Kristo kaniad2 nga mibisita sa usa ka balay ghalaran ug mahalong pahumot nga gitagana/ug gitaguan alang unta sa usa ka bililhong okasyon. gani gbuhos ug gibobo kini sa tiil walay pgbati nga gianugunan o gsayangan. apan puno sa pgdapit, pg-alima, pgtagad, o pag-abiabi ug timaan usab sa pghigugma.
Sa atong panahon karon mahal kaau ang pahumot, naay pahumot baligya sa kanto murag sinagulan ug ihi kay arang anchuha man.mao nga pgkaon na lamang ang a2ng ihalad sa pari. kalipay gayod nato nga pilipino nga ang a2ng higala bsan gani dli cia pari nga siya busog nga molakaw. ang purpose niini nga dili cia panuhuton kay naa may sulod ang tiyan. kay lisod kau kon kita panuhuton, sigi ta ug otot-otot. kanang otot nga murag mo-overtake ang igit. (hmmmm,kabaho oi!)
ngeek…nanimaho nman ni oii…hehe
sagdi lang ug nanimaho higala… mao kanay gitawag nga lamas sa kinabuhi…