Palad Brothers
Nahingangha ko pagkakita sa abilidad aning duha ka bata moedad ug 7 ug 8. Sila si Jun2x ug John2x Palad, ang nisikat nga bagong nadskubrehan nga “batang kalye” nga adunay mga talento sa pagtukar ug pagkanta. Sa akong pagkakita niining mga bataa pirti gyud nakong lingawa bisan pa man dali ra kaayo ang higayon nga gipakita sila sa TV. Subo lamang palandungon nga kining mga bataa naglatagaw sa kadalanan nanimpalad nangitag kaayohan aron makatabang sa ilang pamilya. Apan, sa ilang abilidad ako nanghinaut nga unta ning mga bataa adunay maayo nga ugma ug unta palamboon pa nila ang ilang abilidad sa pagtukar, pagkanta ug paghimo ug mga awit. Saludo ko ninyo mga bai…
