Balak, Pulong ug Hudyaka

Sa tulo ka adlaw ako nahospital sa usa ka bagong hospital dinhi sa Dabaw. Sa dihang nagmaneho ko sa akong sakyanan uban akong asawa padulong unta mi mangita ug pinakaduol nga hospital kay dili na makaya akong gibati. Gitugnaw ko pag-ayo ug ang akong kalintura hilabihang taasa… saka naog 37.5 - 39 (ambot ug sakto ba gyud tong sukura). Among namatikdan nga aduna diay bagong hospital duol sa among agian kanunay kadaadlaw, ug aduna pud koy higala nga gatrabaho didto. Sa way pagduha-duha nidiretso mi gilayon ug nikonsulta una sa ilang doktor.

Giatiman mi sa usa ka nars ug doktor (ulahi na ko nasayod ngadoktor diay to) ug gipahigda kadiyot sa katre para sa pasyente ngadto sa emergency section. Nangutana tong doktor unsa may imong gibati ingon ko sakit kaayo akong tonsil ug taas kaayo akong kalintura… Dayon gikuhaan ko ug temperature ug gilili akong baba. Sa dihang nasayod na sila sa akong gidangatan gipapili dayon mi nila ug kinsa ang among mamahimong doktor ug sa way pagduha-duha nangita akong asawa didto sa ilang lista. Among gipili tong doktor nga espesyalista (ENT) ug kato pud nakalista sa HMO (Health Insurance) namo.

Sa nilabay nga pipila ka oras, kaluoy sa diyos ang gipatumar kanako “paracetamol” ra gyud. Hinuon wa pa man ko matan-aw sa akong doktor. Apan, nilabay na lang ang sobra dose oras (12 hrs.) gikan sa akong pagka-admit kaluoy sa diyos wa pa ghapon nako igkita ang akong doktor, haska na namong kabalaka kay lain na kaayo akong gibati unya kanunay lang paracetamol akong tambal. Sakit na kaayo akong tutunlan wa pa ghapon ko masayod ug unsa gyud akong sakit ug wa sad gyud ko gihatagan ug tambal para niadtong akong gibati nga sakit. Pipila ka gutlo gikan sa akong kabalaka niabot ra gyud ang akong doktor ug sa dihang nakita na niya ang sitwasyon dali2x dayon sya nihatag ug reseta kanako ug dayon gipatumar kog tambal. Tuod, epektibo kay aduna gyu’y alibyo sa akong gibati apan ingon sa doktor kinahanglan nga motumar gyud ko ato nga mga tambal aron maayo dayon ug mawala ang sakit nga akong gibati. Nagtuo mi nga kato ray among kasinatian nga halos palpak kay langay lagi kaayo. Hesus ko ginoo, sa niabot nga oras nga dapat kung patumaron ug tambal (alas dose tungang gabii base sa skedyul) ginoo ko nakalimtan sa nars ngadto sa stasyon napainom ko mga alas kwatro na sa kaadlawon (4AM). Gadanghag lang ang agi ato nga nars kinahanglan pa pukawon sa akong asawa aron pahinumduman sa akong tambal. Pastilan… Nilabay ang hapit usa ka adlaw ni arang2x akong gibati ug nakaingon mi nga mouli na ko kay medyo ok na man akong gibati ug daghan pa kog trabahoon ug mingaw sad ko sa akong anak. Apan aduna pa diay toy dungag among kasinatian ngadto hospitala purya gaba… Niingon na unta ang doktor nga pwede na ko mogawas adtong una namo nga kita kay pwede ra daw sa balay ang akong sakit apan puslan nga naa na mi sa hospital gidiretso ko na lang ug paadmit tungod sa akong lain nga gibati. Sa among ikaduha ka adlaw (bisan ug nasayod na mi nga pwede na mouli) among gihulat ang doktor sa ikaduha ug ulahing higayon kay gusto ko makabalo ug unsa pay iyang obserbasyon ug unsa pay dugang tambal nga akong tumaron. Ug nasayod pud ko nga kinahanglan mopirma ang akong doktor sa “discharge note” aron mogawas ko nga nasayod akong doktor. Ug kaluoy sa diyos niabot ang doktor hapit na alas sais (6PM) ug gitan-aw lang ghapon ko niya ug nangutana sya sa akong gibati ug nitumar ba ko ug tambal ug nakakaon na ba ko ug uban pa. Sa iyang pagsukit-sukit iyang nahibal-an nga wala na pud ko napainom ug usa ka tambal nga dapat nakong matumar apan wala ghatod sa taga parmasya (kay ang ilang ingon sa akong asawa ihatod ra nila sa stasyon sa nars - bisan ug wala gud siguro to’y stock dili lang gyud mobalibad ug tarong). Purbida nga sistemaha, wala na lang gyud niingon nga “wala ra ba mi ana, pwede sa gawas na lang mo palit aron mainom sa inyong pasyente sa tama nga oras” - nga mao man unta nay kasagarang ginahimo sa mga hospital ug wala silay ikadalit nga tambal. Hay sus na lang, maayo na lang wala mitukar akong hay blod yati…

Tsk3… Bago pa ra ba unta nga hospital ug gisayangan ko kay nindot baya pud nuon ang hospital wala lang gyud ayo ang serbisyo kay langay (paminaw ko ulahi ni sila ginaduaw sa ilang mga doktor [espesyalista] kay bagohay pa lang ni nga hospital ug wala pa kaayo pasyente - kumbaga last priority o di ba kaha wala lang gyu’y klaro ilang sistema sa pagdumala ani nga hospital). Ug simbako maadmit kog usab, di na ko balik didto oi… Wa’y klaro!

  Share