Sa dihang…
Mga higala nasayod ba kamo sa mga panghitabo karon? Aw tingali’g wa pa… busa PAGPAKABANA…
Sa mga ninglabay nga mga adlaw (bulan) ang atong gobyerno nahilambigit sa usa ka dakong scandal (pagpakauwaw sa kagamhanan) mahitungod sa proyekto nga gilaraw nga usa sa makaplastar sa atong nasud pinaagi sa teknolohiya susama sa ubang nasud.
Apan bisan pa man sa nindot nga plano sa atong gobyerno sa pagkonektar sa mga lungsod, baryo, munisipyo, syudad ug probinsya sa usa ka dakong kawanangan pinaagi sa “integrated government network” adunay mga kakulian ug mga kagubot nga nakapalambigit sa anomalosong transaksyon mahitungod niini.
Pulpol ning mga tawhana ug way mga buot, ngano man? Gidagmalan nila ang atong nasud tungod sa ilang kaugalingong interes lamang. Kadakong uwaw sa tibuok kalibutan… Ug tinuod man galing ang storya nga nikamal (o mokamal) ug milyon milyong dolyares ang mga nagpaluyo niini… KILATAN UNTA SILA. Wa sila mauwaw nga utang man na sa gobyerno sa Pilipinas sa laing nasud (China) unya kini pagabayaran sa katawhan samtang sila naligo sa salapi nga laway ray kapital… Ginoo ko!!! Wa sila malipong… aw hapit na diay sila malipong kay ang mga pilipino karon nagpakabana na… ug sa akong paminaw mogawas na gyud ang tinuod.
Bisan pa man sa mga hungihong nga ngil-ad nga kanunay na lang adunay “People Power” kini usa lamang ka pamaagi sa pagpakita sa demokrasya. Apan, bisan pa man sa giingong demokrasya ang atong gobyerno mihimo ug mga lakang aron lamang maprotektahan ang pipila. Ambot ug ngano nga ang anino sa “Martial Law” anaa man sa panggobyerno karon. Tingala lang ko… #$%^&*? Tanan nga pamaagi aron lamang mapakgang ang mga lakang sa hubad sa kamatuoran ilang babagan. Asa na ang demokrasya? Asa na ang hustisya? Alang lang ba kini sa mga nakapabor? Ug mauhon, aw wala gyu’y tiunay nga kagawasan ang atong nasud. Kaluoy sad nato noh? Kanus-a pa man ta makamatngon?
