Balak, Pulong ug Hudyaka

Aduna koy upat higala nga ginganlan ug Dodong. Usa niini naa na sa pikas nga kinabuhi. Hayskul pa lang mi ni Dodong nagkasuod na mi tungod sa lain laing butang nga kami magkasinabot (hinuon, grupo mi atong mga panahona). Mitungha na kog kolehiyo ug nagkabulag-bulag na among grupo murag tae sa kanding. Apan niadtong nipuyo ko sa sugbu aron magpreparar sa akong “board exam” adunay nahitabo kay Dodong… Wala kini gipahibalo kanako sa akong mga ginikanan (kay sila suod sab) tungod kay dili nila gusto nga mapektuhan ang akong pagkuha sa maong exam. Subo man pamalandungon apan si Dodong nagpakamatay… Naunay ra sya sa iyang pistola. Wala ko katambong sa lubong ug nahibaw na lang ko sa balita pagkahuman sa akong exam. Kato nahitabo mga napulo na katuig ang nilabay. Read the rest of this entry »

  Share

Pipila na ka adlaw ang nilabay

Ulan sa syudad perminti ug kanunay

Sa pikas bahin sa probinsya mao usab

Inanay ug tagdugay ang paghilak sa panganod

Sa dihang wa na makaya sa mga kahoy paghawid sa yuta

Diha-diha dayong midahili ang yuta

Yuta nga daw lapok inubanan sa mibanlas nga tubig

Dayon bungkag ug tabon sa mga panimalay

Pagkapait ba diay niining kinabuhi

Sayon ra kaayong kuhaon ug mobalos ang kinaiyahan

Kinaiyahan nga gipanamastamasan

Aron ang gakutoy nga tiyan masudlan

Pagkapait pamalandungon nga tawo ra gihapon

Ang gagama niining natagamtam nato karon

Kanus-a pa mapakgang kining mga suliran?

Aron trahedya atong malikayan…

Ug sa ikatulog adlaw mikitiw ug misidlak si haring adlaw…

Daw nagpahimangno ug nagpadayag nga “hoy tawo pagmata”

Ug kinaiyahan paga ampingan ta…

  Share

Sa akong pagbansaybansay sa mga panghitabo mahitungod sa kagubot nga gidala sa “MILF-GRP agreement”, daghang mga aspeto ang nahipatik sa akong alimpatakan. Una niini, nganong wala man gipahibalo daan sa katawhan (pinaagi sa konsultasyon, labi na tong apektado) ang unod niining MOA-AD tali sa gobyerno ug MILF? Ikaduha, ug ugaling adunay konsultasyon, ngano pipila lang man sa mga nahimong representante ang gituboy sa gobyerno nga morepresentar sa kinatibuk-ang katawhan nga apektado niini? Ikatulo, unsa man gyud ang katuyuan niini ang paghatag ba ug igong kagawasan sa atong mga igsoong moro pinaagi sa paghatag ug luna kanila matod sa ilang gituohang yutang kabilin (homeland) kaniadto? Unsay epekto, niining kasabutan sa daan nang kasabutan sa gobyerno ug MNLF nga usa sa hinungdan sa pagmugna sa ARMM?
Read the rest of this entry »

  Share

Matag adlaw sa among paglakaw padulong ug trabaho. Akong anak mobati ug kamingaw ug kaguol… Amo gyud namatikdan nga sensitibo na kaayo sya ug hait na kaayo ug maniid. Bisan pa man wala pa sya nakaabot ug usa ka tuig apan mabati gyud nimo nga daw modagayday ang iyang luha ug panahon na nga molakaw na mi paingon sa trabaho.

  Share

Miingon niini ang kinabuhi

Kinabuhi nga bililhon

Kinabuhi nga way sama

Sa inadlaw-adlaw nga pagtukaw

Ug sa kinabuhi gahanduraw

Bisan sa unsa nga katuyuan

Daw susama sa pamaagi

Nga way kapaingnan

Mao kadto ang mga pulong gikan ug ginama sa inyong ubos nga higala nga ginganlan ug valdapogi…

  Share

Kinutlo gikan sa usa ka nilaksing notbuk sa usa ka studyante, wa ko kaila kinsay nagsulat.

Matud pa nila!
 

Matud pa nila,

Ang Taga-IC daw kay utukan.

Kay sa grado dili daw malupigan.

Kay kanunay ra nakaatubang sa kompyuteran.

Matud pa nila,

Kami nagpaeasy-easy lang,

Kay sa USEP patambay-tambay lang.

Wala gud miy sarili bilding, alangan!

Hahay! Matud ra na nila!

Ang tinuod na IC

Nagkapula ra ang agi.

Pagkakuha sa grado sige rag pamiste.

  Share

Basin unya ug matingala ka o di ba kaha gahuna-huna nga ang akong ipadayag karon kay mahitungod sa gugma. Gugmang giatay…

Apan dili… Sayop ka higala. Pag-ibig Fund ang akong buot ipasabot ug buot ipaibot :).

Niadtong mga niaging mga adlaw gitawagan ko sa developer sa balay nga akong gikuha pipila ka bulan na ang nilabay. Miingon ang babaye (taga developer) nga paandamon na ko kuno ko ug kwarta ibayad sa “takeout fee ug 1st monthly ammortization” kay aprobado na kuno ang akong loan sa Pag-Ibig ug pwede na makuha akong balay (o mapuy-an).

Read the rest of this entry »

  Share

Nisimba mi niadtong domingo kuyog akong asawa. Sa dihang nagwali na ang pari adunay mga pulong nga hait kaayo apan nindot paminawon labi na kay dulot kaayo sa tinuod nga mga panghitabo. Nindot mosangyaw tong paria ug nindot usab ang iyang pamaagi sa pagsangyaw ug usa pa, nindot sad kaayo iyang mga pinulungan kay haskang bisayaa.

Aduna lang koy gustong ipaambit usab kaninyo gikan sa pulong sa pari nga katawanan ug nindot paminawon. Mao ni ang storya, nibisita kuno sya sa usa ka balay ug giabi-abi sa tagbalay.

Read the rest of this entry »

  Share

Kahinumdum ko niadtong unang bersyon sa Got da Wanderpol nga ang nagdala sila Noy Teban ug Goliat pa… Elementarya pa ko atong higayona ug ang among TV black & white pa kato bitaw murag sinehan nga gamay kahoy nga abrehan pa ang purtahan :D. Hehehe, lingaw gyud kaayo ko motanaw ato nga salidaha kay bisaya ug makalingaw gyud tinuod. Wa pa man siguro mahimong Board Member sa Cebu si Noy Teban atong higayona apan sikat na kaayo sila. Nindot kaayo nga salida, pantasya apan maayo nga pagkagama. Hinaut pa unta nga makakita ko ato ug usab… Naa kaha toy pirated DVD? Hehehehe… Kamo unsa man inyong ganahan nga mga salida sa TV ug drama sa Radyo? Aduna pa ba moy nahinumduman?

  Share

Sa tulo ka adlaw ako nahospital sa usa ka bagong hospital dinhi sa Dabaw. Sa dihang nagmaneho ko sa akong sakyanan uban akong asawa padulong unta mi mangita ug pinakaduol nga hospital kay dili na makaya akong gibati. Gitugnaw ko pag-ayo ug ang akong kalintura hilabihang taasa… saka naog 37.5 - 39 (ambot ug sakto ba gyud tong sukura). Among namatikdan nga aduna diay bagong hospital duol sa among agian kanunay kadaadlaw, ug aduna pud koy higala nga gatrabaho didto. Sa way pagduha-duha nidiretso mi gilayon ug nikonsulta una sa ilang doktor.

Read the rest of this entry »

  Share